湯顯明的一則笑話

立法會帳委會主席石禮謙表示，前廉政專員湯顯明在上星期五的聆訊中很合作地回答問題，他對這次會議非常滿意。哈哈，湯顯明咁乖仔，一於獎佢兩啖茅臺啦，繼續合作落去，畀佢成枝飲哂佢。下面是笑話一則，求證真偽，是記者的工作。

話說湯顯明要請黃宜弘吃飯，湯顯明素知IQ博士好美酒，珍藏佳釀豐盈，湯顯明垂涏欲滴，覬覦已久，於是吩咐下屬，叫IQ博士自携美酒赴會。下屬厚着臉皮，也難於啟齒。可是天降此任，推卸不掉，只好硬着頭皮，打電話給IQ博士。

「黃生，湯專員知你飲慣靚酒，你明白啦，我哋酒微菜薄，恐怕不合你脾胃，尤其喺啲酒，怕你飲唔慣。」

「無所謂吖，轉吓口味啫。」

「係係，不過我哋啲酒真喺比較粗，黃生你怕飲唔慣嘅話，可以帶你平時飲開果啲嚟。」

「咁呀，好吖。」

吃完這餐飯，送走了客人，湯專員塊面又紅又黑。紅，當然是酒精所致，黑似玄檀，因為IQ博士沒有拿美酒來赴會。下屬當然給了黑豬，辦事不力，呃支酒都呃唔到，點做到大事。